ప్రముఖ హాస్య నటుడికి అస్వస్థత

దిశ, సినిమా: ప్రముఖ తమిళ దర్శకుడు, కమెడియన్ మనోబాల అస్వస్థతకు గురయ్యారు. దీంతో ఆయనను చెన్నైలోని అపోలో హాస్పిటల్‌కి తరలించారు. నడిఘర్ సంఘం వైస్ ప్రెసిడెంట్ పూచి మురుగన్ ఆయనను పరామర్శించి, అతని పరిస్థితి నిలకడగా ఉందన్నారు. వీలైనంత తొందరగానే ఇంటికి తిరిగి వస్తారని చెప్పారు. గతంలో భారతీరాజా వద్ద అసిస్టెంట్ డైరెక్టర్‌గా పనిచేసిన మనోబాల 40కి పైగా చిత్రాలకు దర్శకత్వం వహించారు.